ასტროლოგების აზრით, ზოდიაქოს ნიშანი ძალიან დიდ გავლენას ახდენს ჩვენს ხასიათზე, ცხოვრების სტილზე და ფსიქოლოგიურ შესაძლებლობებზე. ამ უკანასკნელზე კი ბევრი რამ არის დამოკიდებული. დაწყებული საკუთარი წარმატებისა და დამთავრებული ახლობლებზე ზრუნვის.
ზოგადად, ქალს შეუძლია მამაკაცი ან უსაზღვროს გააბედნიეროს, ან უკანასკნელ ადამიანად აქციოს. ანუ სუსტ სქესზე ბევრი რამ არის დამოკიდებული. თუ ასტროლოგებს დავუჯერებთ, ზოდიაქოს ნიშანი ბევრ რამეს ამბობს ქალის შესაძლებლობებზე და განსაზღვრავს რამდენად კარგი მეუღლე იქნება.
გთავაზობთ ზოდიაქოს წარმომადგენელ სამ ქალს, რომელიც აუცილებლად გააბედნიერებს მამაკაცს, წარმატებისკენ მიმავალ გზაზე დააყენებს და ბოლომდე მიყვება დანიშნულების წერტილამდე.
კირჩხიბი – დედოფალი
ამ ნიშნით დაბადებული ქალები, როგორც წესი, ცხოვრების მეგზურს ირჩევენ მხოლოდ ერთხელ და სიცოცხლის ბოლომდე მასთან ერთად არიან. ზოდიაქოს ამ ნიშნით დაბადებული მანდილოსნები ოჯახის განსაკუთრებული სიყვარულით გამოირჩევიან. თუ საჭიროება მოითხოვს, მათ შეუძლიათ აწყობილი კარიერა დაანგრიონ და დიასახლისის ამპლუაში გადაინაცვლონ. კირჩხიბი ქალი საყვარელი მამაკაცისთვის ერთდროულად არის დედაც, საყვარელიც, მეგობარიც, თანამოაზრეც და რაც მთავარია, თანამებრძოლიც. ამიტომ, მამაკაცი ნამდვილად არ შეცდება თუ საკუთარ ბედს ამ ნიშნით დაბადებულ ქალბატონს დაუკავშირებს.
ვერძი – იმპერატრიცა
ძალიან რთული ხასიათის ქალია. იგი საოცრად დაუმორჩილებელია ოჯახურ ურთიერთობებში, თუმცა საოცარი სექსუალურობის წყალობით, ნებისმიერი მამაკაცის გულის მონადირება შეუძლია. ვერძი ქალის კოზირი ხისტ ხასიათში მდგომარეობს. მას შეუძლია დიდხანს აწვალოს მასზე შეყვარებული მამაკაცი და მხოლოდ მას შემდეგ გაუმხილოს გრძნობები, როცა ბოლომდე დატანჯავს და დაიმორჩილებს ამ უკანასკნელს.
უსაზღვრო ამბიციურობის წყალობით, ვერძი ქალები ნამდვილად ლიდერები არიან ბევრ საქმეში. შედეგად, ვერძ ქალს აქვს უნარი მეორე ნახევარიც წააქეზოს ამბიციურობისკენ და არ მისცეს მოდუნების საშუალება.
ლომი – ქალღმერთი
ძლიერი ხასიათის, ამბიციური, ამაყი და საოცრად ქარიზმატულია. მას არ ჭირდება რაიმე ქალური ხრიკების გამოყენება. ისედაც არ აკლია თაყვანისმცემლები.
ბუნებით მეომარი, მკაცრი და წინდახედული ქალი ლომი მეორე ნახევრისთვის ნამდვილი განძია. მას შეუძლია ყველაზე სუსტი მამაკაციც კი მიზანდასახულ, წარმატებაზე და შედეგზე ორიენტირებულ ინდივიდად აქციოს. ლომ ქალს კი ამაში მეორე ნახევრის სიყვარული და უსაზღვრო პატივიცსემა დაეხმარება.
