ვერძი. სასწრაფოდ შეუდექით ურთიერთობების მოგვარებას თანამშრომლებთან. წინააღმდეგ შემთხვევაში ვერ შეძლებთ სიტუაციის გაკონტროლებას და მოგვიანებით მთელი ენერგია განაწყენებული კოლეგების შემორიგებაზე დაგეხარჯებათ. ვირუსული ინფექციის საფრთხე არსებობს და ფრთხილად იყავით.
კურო. მხოლოდ საკუთარი თავის იმედი გქონდეთ, თორემ ვინც დახმარებას დაგპირდათ, მან შეიძლება დაგაღალატოთ. თუ მიზანდასახული და შეუპოვარი იქნებით, წარმატებას მიაღწევთ არა მარტო კარიერაში. ხელსაყრელი პერიოდია რომანტიკული შეხვედრისათვის, ნიშნობისა და ქორწინებისათვის.
ტყუპები. დღეს თქვენი ორგანიზმის საერთო ტოქსიკურომა მომატებული იქნება. მოსალოდნელია ინფექციური დაავადებები. საერთოდ უარი უნდა თქვათ მოწევასა და დალევაზე. მიიღეთ რაც შეიძლება მეტი სითხე.
კირჩხიბი. ნურავის ასესხებთ ფულს, ნურც მცირე და ნურც დიდ თანხას. სავარაუდოდ მას უკან ვეღარ დაბრუნებთ. იმისათვის, რომ ურთიერთობა არ გააფუჭოთ, თავის ასარიდებლად მოიფიქრეთ რამე დამაჯერებელი მიზეზი.
ლომი. დღეს საკუთარი სულისა და სხეულის ჯანმრთელობაზე იზრუნეთ. ფიზიკური ვარჯიში და კოსმეტიკური პროცედურები დღის საუკეთესო დასაწყისი იქნება. შემდეგ განმარტოვდით და გაიაზრეთ განვლილი დღეები, მიიღეთ გაკვეთილი საკუთარი შეცდომებიდან. ამ დღეს ასევე კარგია დიეტის ან შიმშლობის დაწყება. საღამოც მარტო გაატარეთ.
ქალწული. თითქმის ყველა ქალწულს დღეს საყოფაცხოვრებო პრობლემების მოგვარება მოგიწევთ, რომელიც ბოლო დროს საკმაოდ დაგიგროვდათ. შეეცადეთ გაუფრთხილდეთ ნერვებს, წინააღმდეგ შემთხვევაში სახლში კამათი მოგიწევთ ნათესავებთან. ერიდეთ ხმაურიან შეკრებებს და ღამით სიარულს.
სასწორი. თუ სამსახურის შეცვლა ან რაიმე ახლის მოსინჯვა გინდათ, ამის დრო მოვიდა. ძალიან კარგი დღეა მოგზაურობის დასაწყებად. გაუფრთხიდით ჯანმრთელობას და ნუ გადაიღლებით. თუ დასვენების სურვილი გაგიჩნდებათ, არ ღირს მისი უყურადღებობა. საღამოს დაელაპარაკეთ მშობლებს. მათ ძალიან ესაჭიროებათ თქვენი ყურადღება.
მორიელი. დღეს ყველა სფეროში გაგიმართლებთ. მაგრამ არ ღირს დიდი აქტივობის გამოჩენა საქმიან სფეროში. ყველაფერი კარგად აწონ-დაწონეთ და მოიფიქრეთ. საღამოს განმარტოვდით, გაიხსენეთ წარსული, დაფიქრდით მომავალზე და თქვენ იპოვით პასუხებს ბევრ კითხვაზე.
მშვილდოსანი. კარგი დღეა ცხოვრებისეული გზის ანალიზისა და დასკვნების გასაკეთებლად. გაისტუმრეთ ვალები, აპატიეთ მწყენინებლებს, მოიშორეთ ძველი, არასაჭირო ნივთები და გათავისუფლდით კავშირებისგან, რომლებიც წინსვლის საშუალებას არ გაძლევენ. იყავით მომთმენნი, გამოიჩინეთ ყურადღება და თანაგრძნობა. ვეგეტარიანული კვების წესი შეინარჩუნეთ.
თხის რქა. თქვენი გეგმები იმდენად გრანდიოზულია, რომ სახლში ვერ დაეტევით. ამიტომ უნდა ვივარაუდოთ, რომ შორეულ მოგზაურობაში წახვალთ, რაც საკმაო მოგებას მოგიტანთ. პირად ცხოვრებაში უფრო ყურადღებით ყოფნა გმართებთ გარშემომყოფთა მიმართ.
მერწყული. სახლის საქმეების მოგვარებისა და ოჯახისათვის ყურადღების დათმობის დროა. ბავშვების აღზრდის საკითხები მარტივად და არაჩვეულებრივი შედეგებით გადაწყდება. უარი უნდა თქვათ აგრესიის გამოვლენასა და კამათში მონაწილეობაზე. ურთიერთობების განხილვები უმჯობესია სხვა დღისთვის გადადოთ.
თევზები. სამუშაოსა და ბიზნესში, ასევე ფულთან მიმართებაში დიდი სიფრთხილე გმართებთ – სულ პატარა უზუსტობაც კი ძვირად დაგიჯდებათ. გარდა ამისა, თქვენს გარემოცვაში არის ადამიანი, რომელიც ძალიან ფარისეველი და უსინდისოა. მისმა მოქმედებებმა შეიძლება ფინანსურად გაზარალოთ.